GENERAL SANTOS CITY – Nagpagawas og resolosyon ang General Santos City Chamber of Commerce and Industry gumikan sa paghitak sa daghang mga investment schemes sa Socsargen.
Base sa Resolution No. 002 series of 2019 nga sila nabalaka gumikan daghan na ang mga negosyo nga apektado tungod sa KAPA, ALMAMICO og ALAMCO.Matud pa sa maong grupo nga sila ang mga lihitimong mga negosyante sa syudad ang gabayad og buhis apan maong investment schemes ang gapagawas og minilyon ka pesos matag adlaw.
Ilang gituohan nga posible may kalabutan sa Ponzi scheme ang operasyon nga ang mahimong maulahi ang makalolooy.
Gikadugang pa sa maong oraganisasyon nga may dakong epekto na sa ilang negosyo gumikan ubay-ubay nga tonelada sa isda ang nadaut gumikan ang mga empleyado sa aquaculture company sa Sarangani ang wala nagreport sa trabaho.
Ubay-ubay sa mga bangko ang nabalaka nga posible mahitabo ang bank holiday gumikan sa mga dakong kantidad ang gi-withdraw og gi-invest sa maong grupo.
Nasuta nga kalit nga mikunhod ang transaction sa lending companies.Ang mga anaa sa fishing industry ang nagproblema na gumikan daghan ang mihawa nga mga mananagat.
May mga empleyado ang mga canning factories, pribadong mga tulunghaan o laing mga kompanya ang nagresign gumikan nagsalig na sa madawat gikan sa KAPA o ALMAMICO matag bulan.
Gumikan niini ilang gihangyo ang mga nagkadaiyang concerned agencies sa gobyerno nga tutukan ang maong panghitabo.
