Bangladesh PM Hasina miluwat na sa puwesto

Miluat sa iyang puwesto si Bangladesh Prime Minister Sheikh Hasina human ang pipila ka adlaw nga anti-government protest.

Giingong gidala siya sa mga sundalo kauban ang igsuon niining babaye pagawas sa nasud.

Nagsaulog ang daghang protesters nga misulong sa balay niini sa Dhaka bisan na ginapatuman ang curfew og pagpalong sa internet.

Kahinumduman nga kaniadtong 2009 dihang magdumala si Hasina sa Bangladesh.

Kaniadtong Enero dihang midaug pag-usab si Hasina sa eleksyon nga gidudahan sa mga anaa sa oposisyon tungod sa matod pa pagpanikas.

Miabot usab sa kapin 300 nga mga tawo ang namatay tungod sa halapad nga lihok protesta human nga migamit og mga tear gas og rubber bullets ang mga kapulisan.