GENERAL SANTOS CITY – Nagpasalamat ang bana sa Bombo Radyo gumikan human nga nangayo sila og tabang maayo na matud pa ang pagtratar sa amo sa iyang asawa nga nanarbaho didto sa Jordan.
Kahibaluan nga nagpatabang ang OFW nga si Marian Lopez nga taga Glan sarangani sa iyang higala nga ania sa Gensan gumikan ginapasakitan sa iyang babayeng amo og ginapasanginlan nga nanghialbot ug salapi.
Gani matag magkubra siya ug suweldo, ginasagpa matud pa kini sa iyang amo.
Ang higala usab niini dinhi sa dakbayan ang nagpadangat kalabut sa tinuod nga sitwasyon ni Lopez sa kamot asa iyang amo hinungdan nga gitabangan sa sibyahanan.
Gi-padad-an sa sibyahanan ug mensahe ang embahada sa Pilipinas sa Jordan kalabut sa mga nadangatan sa Pinay, butang nga gilayong gi-aksyunan.
Hinungdan nga nagpasalamat ang bana nga si Alfredo Lopez tungod sukad matud pa nga gireport sa embahada sa Pilipinas sa Jordan ang nahitabo, maayo na matud pa ang pagtratar kay Lopez sa iyang amo.
