Himas-rehas ang bana nga midunggab sa iyang kapikas ug laing silingan nga lalaki nga giapil niya’g duslak kay naghinobra ang gibating pagselos sa Purok Carlos P. Garcia,Gitagum,Misamis Oriental.
Kini human nasignit sa gilusad nga hot pursuit operation sa kapolisan ang suspek nga si alyas Boy Selos nunot sa pasangil batok kaniya.
Sulti sa impormasyon sa Gitagum Police Station,unang gidunggab ni alyas Boy Selos ang iyang asawa nga si alyas Luningnging kay nag-alisuso ang pangabubho niini nga naa kini sekretong nagkupot sa laing Adan.
Kini ang rason nga gidungga sa suspek si Luningning apan giluwas siya sa silingan nga si alyas Salvador del Mundo hinungdan pulos sila nadunggaban.
Hinoon,bisan sa mga samad nila nga naangkon apan managsama nga luwas na sa kuyaw nga kahimtang kay dali nadala sa ospital.
