SARANGANI – Gipanghimakak ni Jemar Butil Segapu, 29 anyos, nga taga Purok Pacquiao, Barangay Kaltuad, Glan, Sarangani province nga gituyo an pagpusil patay sa iyang asawa nga si Yonilyn Cago, Segapu, 29 anyos, residente sa maong lugar nga natigayon alas 9:40 ang takna sa gabie kaniadtong milabayng adlaw nga Domingo dungan sa Mother’s Day.
Matod sa suspek nga aksidente lamang matud pa ang nahitabo ug wala gyud niya tuyua.
Kahinumduman, nga tulo ka mga basyo sa kalibre 45 nga pistola ang narecover sa kapulisan sa crime scene ug narecover usab ang armas nga gigamit sa suspek.
Base usab sa imbistigasyon sa kapulisan sa lugar nga nahitabuan sa krimen, ayha nahitabo ang pagpamusil, gikaingong naglalis matud pa ang suspek ug ang biktima human nga gikumpronta kini sa asawa bahin sa estoryang iyang nadunggan nga aduna matud pa kini karelasyon nga laing babaye, ug didto miabot sa init nga argumento ang ilang lalis ug nahitabo ang pag pamusil.
Sa karon anaa pa sa kustodiya sa Glan Municipal Police Station ang maong sad an.
