GENERAL SANTOS CITY – Patay ang usa ka bana human nga gituohang naghikog samtang angol ang asawa sa nahisgutan human nga gimartilyo niini.
Sa nakalap nga impormasyon sa Makar Police Station, gibutyag nga nakaplagan sa ilang balay nga wala nay kinabuhi ang nagpangalan og Joel Eliver, 51-anyos og gituohang nagpakamatay ang nasampit.
Kini human nga gimartilyo ang asawa nga si Maricel Eliver.
Giimbestigahan pa sa kapulisan ang hinungdan sa pagmartilyo sa asawa niini apan gikabutyag nga grabe matud pa ka-seloso ang bana.
Nasayran usab nga may daghang rekord ang bana sa Makar Police Station tungod sa kanunay matud pa niini nga pagpasakit sa iyang asawa.
Pagkakaron, nagpabiling nagpaalim sa ospital ang asawa human kini nakaangkon ug samad sa aping, ulo og abaga human nga gimartilyo sa bana.
