Bana, gidunggab ang kaugalingon tungod sa hilabihan kabagulbulan sa asawa

GENERAL SANTOS CITY – Tungod sa kabagulbulan sa asawa og dili na matud pa niini ma-agwanta, gidunggab sa usa ka bana ang iyang kaugalingon.

Giila ang biktima nga si Cesar Kilo-Kilo, usa ka laborer nga taga Labus Fatima Uhaw ning dakbayan.

Ang nasampit ang nadala sa pribadong ospital ning syudad human nga gidunggab niini ang tiyan nga bahin.

Matud pa, namroblema ang maong bana sa kaba-baan sa iyang asawa kon asa dihang mupauli siya sa ilang balay gikan sa trabaho, magbagulbol ang iyang asawa luyo sa paghatag sa iyang income.

Hinuon walay angayang kabalak-an sa sitwasyon sa maong bana tungod dili matud pa kaayo lalom ang samad nga naangkon niini sa tiyan..