GENERAL SANTOS CITY – Abli sa kabubut-on sa bana nga dili na kasuhan pa ang asawa ug giingong kabit nga napriso sa selda sa Makar Police station.
Kini human gibuhi-an kagahapong adlawa sa kustudiya sa kapulisan ang asawa sa usa ka heavy equipment operator human nagka estorya ang mag-asawa.
Matud ni Police Major Robert Fores nga gihatagan niya ug higayon nga magka estorya ang duruha human mihangyo ang mga anak ngadto sa ilang Amahan nga dili na kasuhan ang ilang Inahan.
Naka estorya usab ni Fores ang babaye ug gitug-an ang mga pagpanagmal nga naaguman kaniadtong buntis pa lamang dihang gisikaran sa bana.
Isip labaw nga opisyal sa presento gitambagan niini ang asawa sa iyang responsibilidad ngadto sa iyang bana ug sa iyang pamilya nga ipalabay ang kainit sa huna huna ug abli alang sa pagpasaylo.
Matud niini nga kung magkauli man sa maayong relasyon ang bana ug asawa nga likayan na ang dautang buluhaton nga makaguba sa pamilya.
Nagsogyot pa kini nga estopryahon ang problema kuyog sa mga lider sa simbahan u sa barangay samtang abli matud pa kini nga muhatag ug higayon nga mutabang aron magkauli ang mag-asawa samtang naa magtan-aw ang ilang mga anak.
Kahinumduman nga nasikop ang asawa sa balay sa giingong karelasyon nga lalaki human girespondihan sa kapulisan ang hangyo sa bana nga adtu-an ang balay nga gikahimutangan sa iyang asawa.
