GENERAL SANTOS CITY – Gipangbalhin na sa ubang lugar ang binuhi nga bebe nga tinubdan sa ballot sa dakbayan aron magpadayon ang ilang pagpangitlog.
Gibutyag ni Victor Vergado, presidente sa Baluan dockers Association nga mihinay ang egg production tungod migamay usab ang itlog nga ilang makuha gikan sa ilang mga binuhi nga bebe.
Nagsugod matud pa ang ilang asosasyon ug 4,200 ka mga bebe apan hinay hinay kini nga migamay tungod ang uban nabaligya sa tag-iya samtang ang uban ang namatay tungod sa init nga panahon.
Gisaysay ni Vergado nga naapektuhan ang ilang asosasyon tungod misaka ang presyo sa feeds migamay usab ang itlog nga ilang na harvest.
Kaniadto napulo ka tray matag adlaw ang harvest karon duha ka tray na lamang matag adlaw .
Gumikan sa paghinay sa production nagmahal usab ang otlog nga kaniadto tig P9 matag usa apan karon P13 na ang baligya hinungdan nga tig P25 na ang balot.
Gisulayan matud pa nila ug suporta pinaagi sa wanter pump apan dili makalangoy ang mga bebe nga dakong tabang sa pagpangitlog. Gani gidala na sa laing lugar ang ilang mga bebe aron makasurvive sa tumang kainit nga panahon.
