GENERAL SANTOS CITY – Balusanay sa mga grupo sa mga children in conflict with the law kon CICL ang ginatan-aw sa General Santos City Police Office, sa sunud-sunod nga pagpamusil-patay sa mga nahisgutan sa nakalabay’ng mga adlaw.
Kini human nga laing usa na usab ang gipusil sa riding in tandem miaging gabii sa Ruby Compound, Leon Llido St. Brgy Lagao ning siyudad, kung asa ang biktima nga giilang si Roel Collado, 22-anyos, usa ka laborer, ang gikabutyag nga lider sa usa ka grupo sa mga CICL.
Sa pakighinabi sa Bombo Radyo kang Police Chief Inspector Peter Pinalgan, ang biktima ang kanunay’ng malambigit sa mga rambol ug riot sa lugar.
Nasayran gikan sa GSCPO nga si Collado ang ikapito na nga CICL nga gipusil sa riding in tandem dinhi sa siyudad, sukad kaniadtong Semana Santa.
