-- ADVERTISEMENT --
Nagtuo ang Malacañang nga diversionary tactic lamang ang mikaylap nga balita nga giingong naaresto na si Senador Ronald “Bato” Dela Rosa.
Sumala ni Palace Press Officer Undersecretary Claire Castro, kulang sa konteksto ang mga pahayag nga gipakalat nila Jimmy Bondoc ug Atty. Harry Roque may kalabotan sa senador.
Matud ni Castro, murag gituyo lamang ang pagpagawas sa maong impormasyon aron malihis ang atensyon sa publiko gikan sa ubang mga isyu.
Una nang gipanghimakak sa National Bureau of Investigation (NBI), Philippine National Police (PNP) ug Department of the Interior and Local Government (DILG) nga adunay opisyal nga impormasyon o kumpirmasyon nga nadakpan si Senador Dela Rosa.
-- ADVERTISEMENT --
