Balay sa Jail Guard giransak Pusil, cash ug camera nakuha
GENERAL SANTOS CITY-Dakong tulubagon sa sakop sa Bureau of Jail Management and Penology ang pagkawala sa pusil sa gobyerno nga apil nakawat dihang giransak ang iyang pinuy-anan.
Gani nagpatabang sa Fatima Police Station si Jail Officer 2 Adriano de los Reyes lll nadestino sa Gensan City Jail human giransak ang panimalay niini .
Matud ni de los reyes nga nahitabo matud pa ang pagransak sa balay dihang miapas kini sa iyang asawa didto sa ilang tindahan nga nahimutang sa fil-am road apan dihang mibalik alas dose sa tungang gabii.
Ilang naabtan nga nagkatag na ang ilang mga butang sulod sa ilang pinuy-anan ug didto nasayran nawala na ang caliber 45 pistol nga may duha ka bala, P35,000.00 ug digital camera.
Luyo nga wala kini gidudahan sa responsable apan padayon ang pakiglambigit niini sa kapulisan aron mailhan ang mga kawatan.
