‘Bakunahang Bayan’ mu-arangkada na sugod ning adlawa

GENERAL SANTOS CITY – Karong adlawa sugdan ang tulo ka adlaw nga bayanihan bakunahan nga nationwide nga gipatuman.

Ang katawhan nga walay nabakunahan og kadtong mga wala nakapabooster shot ang giawhag nga muadto sa mga vaccination sites sa mga malls o kaha sa matag Rural Health Unit.

Bisag halos 90% na sa population target sa syudad ang nakunahan batok sa COVID 19 apan padayon ang pagkumbinsi sa katawhan kung unsa ang benepisyo sa maong bakuna.

Mas gitutukan og pagtagad ang mga senior citizens og may sakit nga angayang magpabooster dose na og duha ka higayon.

Kini aron may igong proteksyon sa COVID 19 ilabi pa nga daghan ang mga bag-ong variants. Gawas pa ang mga estudyante nga daghan pa kanila ang wala nabakunahan hangtud karon.