GENERAL SANTOS CITY – Malampusong napatuman sa Sarangani Province ang school-based immunization program isip suporta sa Department of Health sa paningkamot niini nga mabakunahan ang mukabat sa 4.8 million ka mga kabatan-unan sa mga pampublikong tulunghaan.
Tumong sa programa nga maprotektahan ang mga kabatan-unan batok sa mga sakit nga mahimong kalikayan kung naga pabakuna.
Pinaagi sa Provincial Health Office ug sa tabang sa Municipal Health Office, DepEd Sarangani, og DOH-Center for Health Development SOCCSKSARGEN Region, gipahigayon ang maong programa sa Dakok Tamulon Integrated School sa Malungon sa nakalabay nga Oktubre 7.
Matud ni Provincial Health Officer Dr. Arvin Alejandro, nga nakab-ot ang “100% coverage rate sa pagbakuna alang sa Measles-Rubella sa mga Grade 1 og grade 2 pupils og HPV vaccinations sa sa mga nagtungha sa Grade 4.
