GENERAL SANTOS CITY – Dili na unya mugasto ug dako aron ipadala ngadto sa Cagayan de Oro ug mutagana ug dakong salapi aron bisitahon ang ilang kabanay nga ipasulod sa drug rehabilitation.
Kini tungod mamahimo na nga magamit ang Bahay Silingan sa Tupi South Cotabato nga makapalu-ag sa South Cotabato Rehabilitation and Detention Center.
Kini tungod makatabang ug dako ang nahisgutang drug facility nga pagabutangan sa mga drug dependents nga buot magparehab.
Gani sa miaging semana mukabat sa 46 ka drug dependents naka-avail sa plea bargaining agreement ang gipasulod sa drug rehab facility.
Matud pa nga human sa tulo ka bulan mamahimo nang pagawason ug ibalik na sa kumunidad ang mga nasampit.
Sa kasamtangan adunay 1,650 ang mga piniriso sa Provincial Jail ug ang pinakadako nga ihap niini adunay kaso sa illegal drugs.
