Bagyong Nando mas nikusog ug naghulga sa bahin sa Northern Luzon

Nagpadayon ang pagkusog sa Bagyong Nando samtang naga lihok sa amihanan-kasadpan sa kadagatan sa Pilipinas.

Ang sentro sa mata sa bagyo gibana-banaang anaa sa 770 kilometro sa silangan sa Echague, Isabela.

Aduna kini gikusgon nga hangin nga moabot sa 140 kilometros kada oras doul sa sentro ang paghaguros nga anaa sa 170 kilometros kada oras.

Nagalihok usab kini pa-northwest sa gikusgon nga 10 kilometros kada oras.

Gitambagan ang mga residente sa nahisgutang mga lugar nga mag-amping sa posibleng epekto sa kusog nga pag-ulan, hangin, ug pagsaka sa balod.

Ang mga otoridad padayong nag-monitor sa lihok sa bagyo aron mahatagan dayon og pahimangno ug giya ang publiko.