Mas gipakusog sa bagyong Kristine ang mga pag ulan sa dakong bahin sa nasud, samtang nagkaduol kini sa atong nasud. Kini human nisulod sa PAR kagabii.
Katapusang nakita ang Bagyong Kristine sa gilay-on nga 1,050 km silangan sa Southeastern Luzon.
Nagalihok kini pa kasadpan nga may gipaspason nga 30 km/h ug may kakusog nga 55 km/h duol sa sentro ug may paga huros nga 70 km/h.
Tungod niini, gipataas ang signal number one sa Catanduanes alang sa Luzon.
Sa Visayas anaa kini sa amihanan-sidlakang bahin sa Northern Samar (Laoang, Palapag, Mapanas, Gamay, Catubig, Lapinig) ug sa amihanan-sidlakang bahin sa Eastern Samar (Jipapad, Arteche, San Policarpo, Oras).
Sa pagkakaron ang target sa bagyo mao ang rehiyon sa Cagayan Valley, apan posibleng mausab kini sa mosunod nga mga adlaw.
