GENERAL SANTOS CITY – Nag-landfall ang bagyong Aghon palibot sa Eastern Samar, samtang ang Signal No. 1 nagpabilin sa 20 ka mga lugar.
Mitabok kini sa Homonhon Island ug ang landfall sa Giporlos sa Eastern Samar sayo ning adlawa Mayo 25, 2024.
Ang sentro sa mata sa bagyo gibanabana nga anaa sa palibot sa Balangiga, Eastern Samar ug nag-irog paingon sa amihanan-kasadpan sa gikusgon nga 20 km/h dala ang hangin nga 55 km/h duol sa sentro ug paghuros hangtod sa 70 km/h.
Ang Tropical Cyclone Wind Signal (TCWS) No. 1 gipataas sa mosunod nga mga lugar:
LUZON
Polillo Islands, ang habagatan-sidlakang bahin sa Quezon (Calauag, Guinayangan, Lopez, Buenavista, Catanauan, Mulanay, San Narciso, San Francisco, San Andres, Tagkawayan)
Camarines Norte
Camarines Sur
Catanduanes
Albay
Sorsogon
Masbate lakip ang Burias ug Ticao Islands
Sa VISAYAS,
Northern Samar
Samar
Eastern Samar
Biliran
Leyte
Southern Leyte
ang extreme northern portion sa Cebu (San Remigio, Tabogon, City of Bogo, Medellin, Daanbantayan, Borbon) lakip ang Camotes ug Bantayan Islands
ang amihanan-sidlakang bahin sa Bohol (Pres. Carlos P. Garcia, Bien Unido, Trinidad, Anda, Candijay, Ubay, Mabini, Alicia, San Miguel, Talibon)
Sa MINDANAO,
Dinagat Islands
Surigao del Norte lakip ang Siargao ug Bucas Grande Islands
amihanang bahin sa Surigao del Sur (Cantilan, Madrid, Carmen, Carrascal, Lanuza, Cortes)
ang amihanang bahin sa Agusan del Norte (Kitcharao, Jabonga, Santiago, Tubay)
Sa track forecast, mahimong mogawas sa Philippine Area of Responsibility si Aghon adlawng Martes.
