Sugdan na sa Lunes (oras sa Amerika) ang bag-ong mando ni US President Donald Trump nga nagdili sa pagsulod sa mga tawo sa US gikan sa 12 ka nasud.
Apil sa listahan ang Afghanistan, Myanmar, Chad, Congo, Equatorial Guinea, Eritrea, Haiti, Iran, Libya, Somalia, Sudan, ug Yemen.
Samtang pito ka dugang nga nasud nga mao ang Burundi, Cuba, Laos, Sierra Leone, Togo, Turkmenistan, ug Venezuela, ang tugutan lang sa limitadong pagsulod.
Matod ni Trump, ang tumong sa maong palisiya mao ang pagpanalipod sa Amerika batok sa hulga sa mga “langyaw nga terorista,” tungod ang naasoy nga mga nasod adunay luag nga seguridad sa visa, lisod nga pag-ila sa mga tawo, ug daghang kaso nga molapas sa ilang visa.
Tungod niini, nagpadayag sa ilang kasuko ang pipila ka mga lider sa mga apektadong nasud.
