Bag-ong SRP guide, gikatakdang ipagawas ugma sumala sa DTI

Gikatakdang ipagawas sa Department of Trade and Industry (DTI) ang bag-ong suggested retail price (SRP) guide ugma, Huwebes, Pebrero 6.

Kini human sa pagsaka sa presyo sa 62 ka ‘shelf-keeping units’ o ‘items for sale’.

Lakip niini ang pipila ka brands sa de lata, canned meat, evaporated milk, Pinoy tasty og Pinoy pandesal.

Gilauman usab nga mosaka ang mga presyo sa mga kandila og baterya.

Matod usab kay DTI Assistant Secretary Agaton Uvero, gibanabanaan nga anaa sa 2% hangtod 9% ang gipaabot nga usbaw sa presyo.

Gipaklaro usab sa opisyal nga gitugotan ang pagsaka sa presyo sa maong mga produkto human ang makuting pagtuon.