GENERAL SANTOS CITY – May bag-o nang Regional Director ang Police Regional Office (PRO)12 human ang pormal nga paglingkod sa pwesto ni Police Brigadier General Michael John Dubria.
Kini subay sa kamanduan ni Philippine National Police Chief Police General Archie Francisco Gamboa nga re-organization sa pipila ka senior officials nga nag-ukopa og key positions sa PNP 12 og Camp Crame-based directorates.
Welcome sa pamunuan sa PRO 12 ang paglingkod sa pwesto ni Dubria isip ilang bag-ong labaw nga kanhi Supervisory Office for Security and Investigation Agencies kun SOSIA Chief.
Gihulipan ni Dubria si P/Brig. General Alfred Corpus nga maoy bag-o karon nga Director sa DIPO – Western Mindanao.
Si Dubria miembro sa PMA Sambisig Class of 1991 samtang si Corpus lakip sa PMA Hinirang Class of 1987. Gilauman usab nga ipadayon ni RD Dubria ang mga nabilin nga programa og proyekto ni Corpus sa PRO-12.
Ang paglingkod sa mga opisyal sa ilang bag-ong posisyon ang ulahing hugna sa reorganization sa pipila ka senior officials nga nag-ukopa og key positions sa PNP 12 og Camp Crame-based directorates.
