GENERAL SANTOS CITY – Nahulipan gayud ang nabakante nga posisyon ni Konsehal Dominador Lagare Jr isip Chairman sa Committee on Transportation .
Kini human napili si Konsehal Jose Ojok Acharon nga mudumala sa maong komitiba. Kauban ni Acharon nga gituboy sa maong komitiba si Konsehal Dominador Lagare Jr nga gituboy ni Konsehal; Elizabeth Bagunoc.
Giisplika pa ni Bagunog nganong ipabilin si Konsehal Lagare tungod nakahimo na ug mga pagtuon ug taas ang kasinati-an sa pagdumala sa maong komitiba.
Apan dihang gibutuhan na sa mga Konsehal daghan ang mipabor kang Kagawad Acharon nga adunay walo ka boto kumpara kang Lagare nga nakakuha ug upat ka boto.
Mibalibad pa si Acharon sa pagdawat sa maong komitiba dungan sa pagbutyag nga kulang ang kahibalo sa natad sa transportasyon nga gisundan pa niini nga muresign sa gihatag nga katungdanan apan wala na kini nahimo.
Kahinumduman nga daghang Konsehal ang naglikay sa paghupot sa Transportation committee tungod sa kahadlok nga mapildi sa sunod election apan luyo sa maong kabalaka si Konsehal Lagare lamang ang wala mahadlok sa giingong tunglo nga naa sa maong komitiba.
