Bag-ong labaw sa GSCPO, nagpasalamat sa pagsalig saiya human gitudlo isip bag-ong city director

Gipaklaro ni P/Col. Ariel Acala, ang bag-ong nilingkod nga City Director sa General Santos City Police Office (GSCPO), nga iyang gidawat ang direktiba gikan sa higher headquarters alang sa iyang bag-ong assignment.

Gipasalamatan ni Acala ang mga opisyal sa organisasyon tungod sa pagsalig nga gihatag kaniya ug gipahayag ang iyang kaandam sa pagpadayon sa mga programa ug responsibilidad sa kapulisan sa dakbayan.

Giila usab sa bag-ong city director ang mga paningkamot ug mga kalamboan nga nahimo ni kanhi City Director P/Col. Eric De Venancio panahon sa iyang pagpangulo sa GSCPO.

Matud ni Acala, importante ang pagpadayon sa mga maayong lakang ug pagpalig-on sa serbisyo publiko aron mapadayon ang kalinaw ug kahapsay sa General Santos City.