-- ADVERTISEMENT --
Nilingkod na isip bag-ong Force Commander sa City Mobile Force Company (CMFC) sa General Santos City Police Office (GSCPO) si Police Lieutenant Colonel Manuel Ryan Pusta Lim epektibo kaniadtong Setyembre 22, 2025.
Sumala ni Lim nga iyang ipadayon ang mga nasugdan nga programa ug patakaran ni PLTCOL Joan Maganto nga kanhi labaw sa CMFC nga iyang gihulipan.
Gipasalig usab niya nga ilang paningkamotan nga mamahimong responsable sa mga operasyon sa unit sa GSCPO sa pagbantay sa seguridad, Anti-terrorism ug uban pang mga kritikal nga insidente sa dakbayan.
Gipasalamatan usab sa opisyal ang mainiton nga pagdawat kaniya ni PCol. Nicomdes Olaivar Jr. ang City Director sa GSCPO ug ang han-ay sa City Mobile Force Company.
