GENERAL SANTOS CITY – Manumpa na ning adlawa, Disyembre 22, ang bag-ong Indigenous Peoples Mandatory Representative kon IPMR ning siyudad nga si Kag. Lucio Kawayan.
Matigayon kini unyang hapon, didto sa Lagao Gym.
Una nang gibutyag ni Cawayan nga mismong si Vice Mayor Shirlyn Bañas-Nograles ang nagpahibalo kaniya sa iyang pagpanumpa nga tambungan sa mga opisyales sa siyudad.
Kung makapanumpa na si Cawayan, otomatiko siyang mahimong miyembro sa Sangguniang Panlungsod.
Gikabutyag nga ang lokal nga panggamhanan ang nag-asikaso sa tanan alang sa pagpanumpa niya karong adlawa.
Kahibaluan nga si Cawayan ang mihulip kang kanhi IPMR Ben Talon human nga midaug sa miaging eleksyon alang sa maong bakanteng posisyon sa konseho.
Si IPMR Talon ug ang gisundan niining duha ka IPMR ang wala makahuman sa ilang termino tungod mitaliwan gumikan sa ilang balatian.
