GENERAL SANTOS CITY – Galaum si Raymund Ledesma, administrator sa Bulaong Terminal sa dakbayan nga makaangkon ug bag-ong Integrated Bulaong Terminal.
Matud niini, sa karon sa iyang tan-aw gamay na kaayo ang General Santos City Public Terminal aron pag-cater sa daghang mga pasahero.
Gibutyag sa nasampit nga opisyal mas maayo kung dako og moderno ang public terminal sa syudad.
Gawas sa maong proposal, napaabot na usab ni Ledesma sa lokal nga panggamhanan ang ilang proposal sa pag-ayo sa mga pasilidad, dugang mga kahimanan sama sa body scanners og ubang kinahanglan alang sa mas maayong pagpadagan sa terminal.
Gipasalamatan niini ang tanang mga stakeholders sa pagbantay sa palibot kung asa kaabag usab ang mga vendors og porters sa pagbantay sa terminal.
