GENERAL SANTOS CITY – Wala na magpa interview pa ang outgoing PNP City Director Col Joemar Alexis Yap human paspas nga mibiya sa Camp Fermin Lera human gayud sa turn over of command.
Nanguna sa turn over of ceremony si Police Regional Office 12 Director Brig Gen Jimili Macaraeg nga nagpakuha pa ug hulawgway taliwala Col Yap ug Col. Nicomedes Olaivar.
Ang bag-ong milingkod nga si Col. Olaivar ang OIC capacity luyo nga daghang pangalan ang nanggawas nga posebling mupuli sa gibiyaang pwesto ni Col Yap.
Nahitabo ang pagtugyan sa pwesto Agusto 11, 2023 pasado alas tres sa hapon. Nasuta nga Agusto 7 pa ang relieve order ni Col Yap nga gimandu-an sa Camp Crame nga dumalahan ang Civil Security Command sa Camp Crame.
Sa mga pakighinabi sa Bombo Radyo sa nahisgutang Opisyal giangkon niini nga abli nga ibalhin sa kauluhan aron matuman ang handum nga mahimong usa ka Heneral.
Nakalabay nga bulan gidungog na ang pagpalagpot sa nahisgutang opisyal tungod sa sunod sunod nga pagpamusil sa syudad hinungdan nagpagawas ug ultimatum order ang Mayor sa dakbayan.
