GENERAL SANTOS CITY – Gipasalig ni Acting City PNP Director Col. Aden Lagradante sa General Santos City Police Office (GSCPO) nga may mga himuong adjustments aron malikayan ang mga insidente sa pagpamusil-patay ug uban pang mga krimen dinhi sa siyudad.
Kini ang gibutyag ni Col. Lagradante dungan sa courtesy call niini sa Sangguniang Panglungsod atul sa sesyon kagahapong adlawa.
Kini gumikan sa serye sa mga pagpamusil-patay nga nahitabo sa siyudad kaniadtong panahon ni kanhing City Director Col. Raul Supiter na gipala.
Matud ni Col. Lagradante, usa kini sa iyang mga prayoridad sa iyang pagpangatungdanan.
Ug usa matud pa sa mga pamaagi nga iyang nakita mao ang pagpakusog sa intelligence, gawas sa aktibong police presence kung asa pinaagi niini masayran na nilang daan kon asa maggikan o asa muagi ang mga dautang elemento kaysa paabuton nga makasulod pa sa siyudad ug mahimo ang unsa mang dautang plano.
