GENERAL SANTOS CITY – Subli nga gikahinaman nga magamit pag-usab ang Childrens playground sa syudad nga dugay ng gipasiradhan tungod nangaguba na ang mga himan.
Kini human gipasalig sa LGU nga subli magamit ang mga pasilidad pinaagi sa paggahin ug inisyal nga lima ka milyon ka pesos nga pundo samtang laing lima ka milyon ka pesos pa ang kinahanglan aron kini mapahuman.
Atul sa ground breaking ceremony gibutyag ni City Engineer Emerald Zignar nga sulod sa 179 ka adlaw kon mukapin sa unom ka bulan depende sa kahimtang sa panahon mapahuman ang childrens playground nga may park amenities ug bag-o nga playground equipments.
Ang nahisgutang lugar ang nahimong kalingawan kaniadto sa mga kabataan pinaagi sa mga tipikal nga outdoors equipment. Kahinumduman nga napatindog ang childrens playground sa panahon ni kanhi Mayor Pedro Acharon Jr .
Nahimutang kini sa Pendatun avenue atubang mismo sa buhatan sa Bureau of Internal revenue.
