GENERAL SANTOS CITY – Mas mulapad ang impluwensiya ni General Santos City Mayor Lorelie Pacquiao sa Sanggunian Panlungsod human gidomina sa iyang mga kaalyado ang bag-uhay nahuman nga Barangay and Sangguniang Kabataan Elections.
Kini human gibutyag ni City Administrator Franklin Gacal nga ang resulta sa labing ulahi nga pinili-ay ang magsiguro sa pagbutang ug duha ka bag-ong kaalyado sa konseho isip mga bag-ong ex-officio members.
Ang bana ni Mayor Pacquiao, ang kanhi partylist Representative Bobby Pacquiao ang midaug via landslide victory sa Barangay Labangal ang gilantaw nga sunod mahimong Liga ng mga Barangay samtang ang Team Pacquiao SK bet nga si Elijah Polistico ang gilantaw nga mahimong sunod Sanggunian Kabataan Federation president.
Kini human nagkatigum ang baynte ka mga bag-ong SK chairmen-elect ang mihatag ug suporta kang Mayor Pacquiao.
Matud ni Gacal nga kini ang bag-ong kalambu-an ang pagsugro sa suporta kang Mayor Pacquiao sa duha ka bag-ong kaalyado sa Sanggunian Panlungsod pinaagi sa social media post.
Kahinumduman nga gibutyag ni Gacal nga ang barangay and SK Elections ang game changer alang sa political environment sa syudad.
Gumikan matud pa sa bag-ong duha ka bag-ong myembro sa Konseho maglisod na nga makakuha ug 2/3 sa dise sais ka myembro sa Konseho nga i override ang unsa mang veto measures gikan sa Mayor.
