Giandam na sa organizing committee sa Paris Olympics ang backup plan alang sa open-water events tungod sa gikahadlokang kahimtang sa sikat nga Seine River.
Gikatakdang ipahigayon ang triathlon ug marathon swimming events ning suba apan nasuta sa niaging mga semana nga adunay taas nga E.coli bacteria.
Gawas niini, nangandam na usab ang komitiba sa posibleng pagbunok sa ulan ug uban pang abnormalidad sa panahon.
Lakip sa backup plan sa organizing committee mao ang pagbalhin sa marathon swimming competition ngadto sa Vaires-sur-Marne Nautical Stadium sa mas dako nga rehiyon sa Paris.
Kini nga dapit mao usab ang venue alang sa bugsay ug canoeing kompetisyon.
Makaakomodar kini ug hangtod sa 15,000 ka mga tumatan-aw. Bisan pa niini, nanghinaot ang mga organizers nga moarang-arang usab ang kahimtang sa Seine sa umaabot, ilabi na kay giingong padayon ang pag-operate sa komitiba.
