Usa ka babaye sa Alaska, U.S.A. ang nagtakda og bag-ong record sa Guinness World Records dihang gisukod sa usa ka dentista ang kadak-on sa iyang baba nga miabot sa 2.98 inches, nga pinakadako sa tibuok kalibutan para sa usa ka babaye.
Si Marie Pearl Zellmer Robinson, residente sa Ketchikan, Alaska, dugay ng nasayod nga dako ang iyang baba apan wala niya mahunahunaan nga siya mahimkong magtala og rekord.
Hangtod makita niya ang video sa kanhi record-holder nga si Samantha Ramsdell, nga adunay baba nga 2.56 inches ang kalapdon kaniadtong 2021.
Human ang pagsukod sa iyang baba, nasayran nga kini may sukod nga 2.98 inches, hinungdan nakuha niya ang titulo sa “Largest Mouth Gape (Female)”.
Bisan sa iyang talagsaong baba, giangkon ni Robinson nga ala na niya ginapakita ang kadakuon sa iyang baba tungod usahay, nahimong hinungdan kini sa kakulba og kahadlok sa ubang tawo.
