-- ADVERTISEMENT --

Padayon ang ginahimong lapad nga operasyon sa Initao Municipal Police Station batok sa mga tawo nga mihimo sa pagpamusil diin usa sa mga babaye ang nakit-ang patay daplin sa dalan sa Purok 5,Brgy Tubigan,Initao,Misamis Oriental buntag sa Pebrero 16, 2026.

Sumala kang Initao Municipal Police Station commander Police Major Ronnie Continedo nga wala pa naila ang namatay’ng biktima nga gituohang nag-edad 20 anyos nga nakasul-ob sa kolor itom nga senina ug short pants.

Sa pagsusi,adunay igo sa ulo ang maong biktima nga rason sa kamatayon niini. Samtang ang kauban niini adunay igo sa li-og nga nakahimo pa pagpatabang sa kapolisan sa siyudad sa Libertad.

Kini ang hinungdan nga paspas mi-responde ang tropa ni Continedo sa lokasyon sa kremin samtang gisirit pagdala sa Libertad MDRRMO personnel ang nali-og nga biktima sa ospital sa Initao.

Sumala sa saysay sa mga tawo sa palibot, nakadungog sila’g mga pagbuto sa armas sa crime scene buntag sa kadlawon.

-- ADVERTISEMENT --

Sa paghayag na sa palibot,nakit-an na sa mga residente ang patay’ng lawas sa biktima nga wala na’y kinabuhi.

Gitoohan nga igo lang gidala sa maong lugar ang mga biktima ug gipamusil kay walay nakaila kanila.

Narekober sa crime scene ang duha ka empty shells sa armas nga gitoohang maoy gigamit pagpamusil sa mga biktima.