GENERAL SANTOS CITY – Subli nga nagbalik sa selda ang usa ka babaye human maaresto sa gihimo nga drug buy bust operation sa may Jorge Royeca Boulevard, Brgy. Bula, ning syudad sa miaging gabii.
Ang dinakpan ang nailhan sa pangalan nga si Catherine Lapinig Perez Alias Yasmine og Cat-Cat, 43 anyos, residente sa Purok Fatima Brgy Maribulan, Alabel, Sarangani Province nga temporaryong gapuyo sa Purok 1, Buayan, ning syudad.
Positibo nga napalitan ug usa ka sachet sa gituohang shabu ang suspek bugti sa P500 nga buy bust money.
Nakuha gikan sa iyang posisyon ang laing tulo ka sachet sa shabu.
Si Perez ang kanhi nasikop gumikn sa illegal nga druga gihapon.
Kasong pagsupak sa section 5 ug 11 article II sa RA 9165 o Comprehensive Dangerous Drugs Act Of 2002 ang gipasaka batok kaniya.
