GENERAL SANTOS CITY- Kaso nga large staffa ug illegal recruitment ang gi-andam sa mga sakop sa Criminal Investigation and Detection Group 12 aron ipasaka sa piskalya batuk sa usa ka babaye nga ilang nasikop.
Gibutyag ni Police Supt. Elmer Guevarra, Hepe sa CIDG 12 nga kustudiya sa ilang buhatan ang nagpangalan ug Sandra Berenguel nga residente sa 5th road, Cannery, Polomolok South Cotabato.
Nahulog sa mga kamut sa otoridad ang nahisgutang babaye human nagreklamo sa ilang buhatan ang usa ka biktima nga gipanganlan lamang ug Inday nga mitabang sa CIDG aron ma-entrap ang suspek.
Kini human midangop sa kapulisan sa Polomolok ang reklamante apan wala magpalampuson ang pagdakop sa gireklamong recruiter.
Dinhi na sa dakbayan nasikop si Berenguel human nakigsabut sa nagpangalan ug Inday nga makigkita kaniya sulod sa usa ka food chain.
Nasuta nga mangayu ug salapi si Berenguel sa matag ma-recruit dungan sa pasalig nga maka-abroad sa Japan.
