Daghang babaye ang wish makaangkon og dakong dughan. Didto sa China, usa ka babaye ang nakaluwas human nga ginbuno sa 22 ka higayon sa dughan tungod sa iyang silicone nga breast implants.
Ang insidente nahitabo sa usa ka shopping mall sa South Eastern China.
Sumala sa imbestigasyon, gipugos sa suspek ang 30-anyos nga biktima nga magsulod sa iyang sakyanan sa parking area og gitiunan niya kini og kutsilyo og gipugos nga magmaneho paadto sa usa ka lugar.
Samtang anaa sa biyahe, gipugos siya sa suspek nga mangita og kwarta aron ipadala sa iyaha og ihatag sa suspek.
Kini usab ang nahimong kahigayunan alang sa babaye nga makapangayo og tabang.
Sa tabang sa boyfriend, gipa-trace niini ang GPS location sa biktima sa tabang sa mga pulis.
Apan pag-abot sa mga pulis, paspas nga gibuno sa suspek sa dughan ang biktima bag-o niini ginbuno usab ang kaugalingon nga hinungdan sa kamatayon sa suspek.
Maayo na lamang nga swerte nga nakaluwas ang biktima og sumala sa mga doktor, usa ka igo sa buno lang ang naangkon niya sa iyang baga.
