GENERAL SANTOS CITY – Posebling may dakong atraso ang babaye nga nakita nga anaa na sa advance state of decomposition nga gisulod sa celophane ug gilabay sa kasagbutan kini tungod gihiktan ang liog ug lapa-lapa gamit ang nylon .
Nakita usab nga gitapalan ug masking tape ang baba sa biktima.
Matud ni Police Major Robert Fores nga duha ka concerned citizen ang mitaho sa Calumpang Police Station nga nakakita sa maong biktima sa reformville Calumpang ning syudad pasado alas kwatro sa hapon..
Nagresponde silang Leutenant Ronald Beltran sa forensic unit ug nakita ang sitwasyon sa biktima sul-ob ang maong short pants, brown shirt ug adunay tattoo ilawom sa hawak.
Nakuha usab sa lugar ang kulay green nga grocery bag, itum nga bed sheet, habol, floor mat, duha ka sinina ug pink sandal ug anaa sa 5’3 ang height.
Matud ni Fores nga posebli mailhan ang biktima tungod sa iyang mga gamit.
