ATLANTA, GEORGIA-Aksidente nga natulon sa usa ka babaye ang iyang wedding ring atol sa iyang bakasyon sa Thailand.
Makita ang x-ray sa babaye kung asa ang singsing anaa sulod sa iyang lawas.
Istorya sa nahisgutang babaye gikan sa Atlanta, Georgia, iyang gitangtang ang iyang singsing sa wala pa kini maligo.
Human niadto, miinom siya og bitamina.
Taud-taud, iyang nabantayan nga nawala ang iyang singsing maong ilaha kining gipangita apan wala na kini makit-an.
Nagkomedya pa gani ang iyang iyang bana nga basin natulon niya ang singsing, hangtod nga nakahukom sila nga magpa-xray.
Sa dihang gipailawom sa x-ray ang babaye, nasuta nga anaa gayud sa sulod sa iyang lawas ang singsing.
Gitambagan siya sa doktor nga muinom og tambal aron natural nga mogawas sa iyang lawas ang singsingi.
Tuod man, nakuha sa babaye ang singsing ug nasul-ob niya kini pag-usab.
