General Santos City | Gilauman ng daan ni Art Advincula, boxing coach sa dakbayan nga may ma-knockout nga mahitabo sa engkwentro nilang Pinoy boxer Nonito Donaire Jr. og Japanese boxer Naoya Inoue.
Matud niini, ang edad ni Donaire, 39 anyos ang usa sa nakaapekto sa performance atol sa away kung asa iyang nakita sa lihok niini atol sa pagsaka ibabaw sa ring nga dili 100% ang kondisyon. Gibutyag ni Advincula, kung magprepara sa away, kinahanglang may maayo og eksperyensyado nga coach/ trainor nga mugunit sa usa ka boxer. Bisan unsa matod pa kamaayo ang usa ka boxer apan kung ang coach/trainer dili maayo wala gihapoy kapaingnan ang training.
Kahibaluan nga ang asawa ni Nonito nga si Rachel mao ang iyang trainer. Dugang pa sa boxing coach nga komunikasyon tali sa trainor og boxer ang nakita niining kulang sa kampo ni Donaire nga usa sa rason sa iyang kapildihan. Samtang, nagtuo usab ang kini nga dili na balikan ni Donaire si Inoue human nga gi-patumba makaduha ka higayon. Gibutyag ni Advincula nga nagpadaug kang Naoya ang iyang saktong preparasyon sa rematch kay Donaire kung asa adunay igong kusog, kapaspas sa lihok, kaisog sa pakigsangka gawas pa nga may maayong panaghiusa sa team niini. .
