GENERAL SANTOS CITY – Malaumon ang mga doktor sa syudad nga unta ipadayon sa katawhan ang pagsunod sa mga health protocols aron mabatukan ang COVID 19.
Matud pa kang Dr. Ryan Aplicador, chief of hospital sa Dr. Jorge Royeca Hospital nga miubos na karon ang average occupancy rate sa COVID 19 sa pito ka mga ospital sa syudad.
Ang usa sa mga rason nganong miubos gumikan midaghan usab ang bed capacity sa mga ospital. Sa bahin sa Dr. Jorge P. Royeca Hospital, nga 14 ang nag-okopa sa 42 ka nga hospital beds nga giandam.
Ang 11 ka mga pasyente ang moderate to severe angh kondisyon samtang lima ang gipailawom sa dialysis treatment, og walay gi – ICU.
Gibutyag sa DOH nga makonsidera nga anaa sa safe zone ang kaso sa COVID 19 kung ubos sa 60 percent ang gaokopa sa mga hospital beds.
Una niini gibutyag ni Mayor Ronnel Rivera nga gipaningkamutan sa syudad nga dili muabot sa hospital ang daghang mga pasyente.
Gumikan niini ipahighayon gilayon ang contact tracing og i-isolate ang mga close contact kung masayran nga nagpositibo sa COVID 19 ang usa ka pasyente aron dili makatakod sa daghang tawo.
