-- ADVERTISEMENT --
Human sa 28 ka tuig nga paghulat, opisyal nang nakasulod ang Austria sa FIFA World Cup 2026.
Nakuha sa koponan ang ilang pwesto human manguna sa UEFA Qualifying Group H ubos sa pagpangulo sa ilang head coach nga si Ralf Rangnick.
Sa umaabot nga Group Stage sa torneyo, mapahimutang ang Austria sa Group J diin ilang makaatbang ang Argentina, Algeria, ug Jordan.
Gilauman nga mangulo sa kampanya sa Austria ang ilang mga bantugang magdudula nga sila David Alaba, Marcel Sabitzer, ug Marko Arnautović.
