Wala gikumpirma ni Atty. Martin Delgra o usa siya sa duha ka Pinoy nga kabahin sa defense team ni kanhi Pres. Rodrigo Duterte.
Sa usa ka pakighinabi ni Delgra sa The Hague Netherlands, gipangutana ang nasampit kung apil siya sa defense team sa kanhi pangulo apan wala gikumpirma o gipanghimakak.
Sa dihang gipangutana kung unsa ang iyang tumong sa pagbisita sa The Hague, mitubag ang nasampit nga nagpakita siya og suporta sa kanhi presidente sa Pilipinas.
Una niini gibutyag sa lead counsel sa defense team sa kanhi presidente, nga si Nicholas Kaufman, nga adunay usa ka Filipino ang kabahin sa team ni Duterte.
Ang team ang gikalangkuban sa lima ka miyembro.
Samtang sa unang pamahayag ni Vice Pres. Sarah Duterte nga ang defense team sa kanhi presidente ang kinahanglan og Filipino nga abogado aron siya maoy mangunay sa pagpasabot sa mga balaod sa Pilipinas sa ICC.
Sa pagkakaron, si Kaufman nagsilbing lead counsel sa kanhi presidente samtang ang international criminal law expert nga si Dov Jacobs, ang magsilbing associate counsel.
