GENSAN –Gapanawagan si Atty. Jong Gonzales sa tanang tricycle operators nga kuhaon na ang ilang mga prangkisa nga nahuman na ang pagproseso sa may kalabotang opisina.
Sumala kang Atty. Gonzales, kapin sa 200 ka mga prangkisa ang wala pa makuha bisan pa man nga gipahibalo na ang mga tag-iya nga andam na kini alang sa pagkuha.
Gibutyag pa niini nga makadaghang higayon na silang mitawag ug nag-text sa mga operator, apan wala gihapon sila mitungha aron kuhaon ang ilang mga dokumento.
Tungod niini, nagmando si Atty. Gonzales sa mga city enforcers nga dakpon ang mga tricycle nga sakop sa listahan sa mga operator nga wala pa makuha ang ilang prangkisa, ug pamultahan ang mga tag-iya subay sa mga umiiral nga regulasyon.
Gipahimangnoan usab ang mga tricycle operators nga ang pag-operate nga walay balidong prangkisa usa ka paglapas sa balaod, ug gidasig sila nga dayong magpaduol sa opisina aron malikayan ang silot ug disgrasya sa ilang panginabuhian.
Gilauman sa lokal nga kagamhanan ang kooperasyon sa tanang tricycle operators alang sa hapsay, luwas, ug legal nga transportasyon sa syudad.
