Gibutyag sa kasamtangang Kalihim sa Department of Justice Jesus Crispin Remulla, nga gibalibaran matod pa sa nasod sa Netherlands ang asylum application ni kanhi presidential spokesperson Atty. Harry Roque.
Sa usa ka pamahayag, gipaambit sa nasampit nga kalihim sa departamento nga si Secretary Jesus Crispin Remulla nga aduna siyay impormasyon nga makaingon nga gibalibaran ang iyang aplikasyon.
Matod niya, ang kaso kalabot sa resolusyon sa iyang asylum application nga gipaabot na usab ngadto sa Germany.
Busa matud pa niya nga maghuwat ang Department of Justice kon unsay resulta niini ug posibleng mapasakaan og extradition si Atty. Harry Roque.
Apan dugang sa kalihim nga posibleng dili na kini kinahanglanon tungod kay posibleng makansela ang iyang pasaporte.
Ug kung ang kanhi tigpamaba sa presidente maisip nga ‘undocumented alien’, ang International Criminal Police Organization mahimong makasulod dinhi.
