Gikumpirma sa Department of Justice (DOJ) nga gipasakaan na og multiple counts of murder ug serious illegal detention ang negosyante nga si Atong Ang ug iyang mga kauban tungod sa ilang pagkalambigit sa pagkawala sa mga sabungero.
Si DOJ Secretary Crispin Remulla niingon nga ang mga kabanay sa mga biktima sa mga nawala nga sabungero mismo ang nipasaka sa kasong multiple murder ug serious illegal detention.
Gipasakaan usab og kaso ang aktres nga si Gretchen Barretto ug uban pa.
Dugang pa sa kalihim nga adunay mga nag unang mga saksi ug testigo nga nagpamatuod nga nalambigit si Ang.
Gidayeg usab ni Remulla ang whistleblower nga si Julie “Dondon” Patidongan sa iyang kaisog sa pagbutyag sa mga nagpaluyo sa pagkawala sa mga sabungero.
Giisip ni Remulla nga “main player” si Ang sa kaso, ilabi na nga siya ang amo sa Patidongan.
Masaligon si Remulla nga adunay patas nga pagdungog sa kaso aron masulbad sa hustong paagi ang kaso.
