Gikumpirma ni Department of the Interior and Local Government (DILG) Secretary Juanito Victor “Jonvic” Remulla nga hapit na madakpan sa mga awtoridad ang Most Wanted ug pugante nga negosyante nga si Charlie Atong Ang.
Sumala sa kalihim, kini human sa nagkalain-laing ahensya sa pagpatuman sa balaod nga naglunsad og operasyon niadtong Huwebes sa buntag diin nakita ang presensya ni Ang sa usa sa iyang mga tagoanan.
Miingon siya nga kini nagpasabot nga ang pugante naa pa sa nasud bisan wala gisulti ni Remulla kung asa gyud nakita si Ang.
Samtang, sayo pa, migawas usab ang pipila ka impormasyon sa paniktik nga nakita si Ang sa Vietnam ug gidudahan nga misulod sa Mindanao pinaagi sa backdoor.
Gipasalig sa kalihim nga bisan pa niini, ang mga awtoridad magpadayon sa pagpakusog sa ilang manhunt operations aron masiguro nga ang most wanted nga negosyante madakpan sa sunod nga higayon.
