Gipahibalo ni Interior Secretary Jonvic Remulla nga ang pugante nga negosyante nga si Atong Ang giingong nakit-an sa Cavite.
Atol sa Kapihan ng Samahang Plaridel forum, si Remulla miingon nga gibana-bana nga 400 ka mga personahe sa Criminal Investigation and Detection Group (CIDG) ang nagpahigayon dayon og operasyon human makadawat og impormasyon bahin sa nahimutangan ni Ang.
Sumala ni Remulla, ang mga awtoridad dali nga milihok apan si Ang giingong nakasibat sa wala pa makaabot sa lugar ang operatiba.
Si Ang nag-atubang og daghang kaso sa kidnapping with homicide ug kidnapping ug serious illegal detention may kalabotan sa kaso sa missing sabungeros.
Kahinumduman nga usa ka red notice sa Interpol ang gi-isyu batok kang Ang kaniadtong Abril, nga nagpasabot nga ang mga ahensya sa pagpatuman sa balaod sa lainlaing mga nasud gihangyo nga pangitaon ug dakpon siya.
Adunay usab P20 milyon nga ganti alang sa bisan kinsa nga makahatag og impormasyon nga magtudlo sa iyang nahimutangan.
Ang mga awtoridad nagpadayon sa ilang manhunt operation batok sa negosyante.
