Nagdaog sa 2024 Nobel Peace Prize ang Japanese group sa atomic bomb survivors nga si Nihon Hidankyo.
Giila isip hibakusha ang survivors sa 1945 bombings sa Hiroshima og Nagasaki.
Nakuha nila ang atensyon sa Norweigan Nobel Committee tungod sa ginahimo nilang lakang aron malayo ang kalibutan sa nuclear weapons.
Matod ni Nobel Committee Chair Joergen Watne Frydnes, nga ang adunay dakong kontribusyon ang grupo aron hingpit nga mapugngan ang mga negatibong paggamit sa nuclear weapons.
Hilabihan niining gidayeg ang grupo tungod gipaambit nila ang negatibong epekto sa nuclear weapons og dili na kini angayang magamit pag-usab.
Gkitukod sa miaging 1956 kung asa ang organisasyon ang nagapadala og mga survivors sa nagkadaiyang bahin sa kalbutan aron ipaambit nila ang mga dili maayong epekto og ilang kasakit og pag-antos tungod sa paggamit og nuclear weapons.
Nagsugod ang ilang trabaho human ang halos usa ka dekada dihang naapektuhan sa nuclear weapons ang Hiroshima og Nagasaki.
Kahinumduman nga sa miaging Agosto 6, 1945 dihang maghagbong ang US bomber og uranium bomb sa Hiroshima City nga nagresulta sa kamatayon sa 14,000 na katao.
Human ang tulo ka adlaw, ikaduhang nuclear bomb ang gihulog sa Nagasaki og huma ang duha ka semana msurender ang Japan nga maoy pagtapos na sa ikaduhang gubat sa kalibutan.
Makadawat sila og premyo nga gilangkoban sa diploma, gold medal og salapi nga nagkantidad og $1-million.
Ipahigayon ang awarding sa bulan sa Disyembre sa Oslo, Norway dungan sa death anniversary sa siyentista og prize creator nga si Alfred Nobel.
