GENERAL SANTOS CITY – Gilauman nang madawat karong adlawa, March 15 sa General Santos City ang alokasyon sa AstraZeneca vaccine gikan sa regional office sa Department of Health.
Subay sa gipagawas nga schedule sa City Public Information Office, takna alas-8:00 sa buntag mohawa sa Cotabato City ang convoy nga maoy maghatod sa maong bakuna ug gilaumang moabot kini sa siyudad alas-12:00 sa udto.
Gilayon matod pa kining idiretso sa Lagao Gym.
Sa pakighinabi sa Bombo Radyo, gibutyag ni City Health Office chief Dr. Rochelle Oco nga anaa sa 35,000 doses sa maong UK-made vaccine ang nadawat sa DOH-Region 12 gikan sa Covax Facility sa World Health Organization ug kini ang bahin-bahinon sa tanang local government units sa Soccsksargen area.
Matag vial ang ‘good for 10 doses ug duna kini 70% efficacy rate sa first dose.
