Gibasura sa Quezon City Prosecutor’s Office ang assault complaint nga gipasaka sa QC Police District batok kang VP Sara Duterte may kalabutan sa pagbalhin sa balay tambalanan sa iyahang aide nga si Office of the Vice President (OVP) chief of staff Zuleika Lopez kaniadtong Nobiyembre 23, 2024.
Gi akusahan sa QC Police District si VP Sara, ang head sa iyahang security detail ug ubvan pa nga direct assault, disobedience to authority ug grave coercion Sa pagtapos sa giingong pinugos nga pagbalhin kang Atty. Zuleika sa usa ka pribadong ospital.
Matud sa kapulisan, makita ang mga video nga pisikal nga gipasakitan sa security head ni VP Sara nga si Army Col. Raymund Dante Lachica ang usa ka police director.
Kahinumduman nga gimando ang pag aresto kang Atty. Lopez sa House of Representatives human ma-cite in contempt tungod sa iyahang “undue interference” sa imbestigasyon sa House Congressional Committee on Good Government and Public Accountability sa pag gamit sa confidential funds sa OVP.
Apan subli kining nagkasakit nga ipahibalo kaniya sa iyang pagbalhin Correctional Institution for Women (CIW) sa Mandaluyong City gikan detention facility ng House of Representatives
